Возрождение. Семья. Православие

Вторник, 05 Июл 2022, 07:24

Главная » Душеполезное чтение » Молитвы » В жизненных трудностях и на каждый день

---

Владыко Христе Боже, Иже страстьми Своими страсти моя исцеливый и язвами Своими язвы моя уврачевавый, даруй мне, много Тебе прегрешившему, слезы умиления; сраствори моему телу от обоняния Животворящаго Тела Твоего, и наслади душу мою Твоею Честною Кровию от горести, еюже мя сопротивник напои; возвыси мой ум к Тебе, долу поникший, и возведи от пропасти погибели: яко не имам покаяния, не имам умиления, не имам слезы утешительныя, возводящая чада ко своему наследию. Омрачихся умом в житейских страстех, не могу воззрети к Тебе в болезни, не могу согретися слезами, яже к Тебе любве. Но, Владыко Господи Иисусе Христе, сокровище благих, даруй мне покаяние всецелое и сердце люботрудное во взыскание Твое, даруй мне благодать Твою и обнови во мне зраки Твоего образа. Оставих Тя, не остави мене; изыди на взыскание мое, возведи к пажити Твоей и сопричти мя овцам избраннаго Твоего стада, воспитай мя с ними от злака Божественных твоих Таинств, молитвами Пречистыя Твоея Матере и всех святых Твоих. Аминь.

1 2 3 4 5 Категория: В жизненных трудностях и на каждый день | Добавил: Evgenei (26 Мар 2007)

Просмотров: 6808 | Рейтинг: 5.0/1

Всего комментариев: 0